គ្រោះអគ្គិភ័យឆាបឆេះបណ្តាលមកពីកូនម្ចាស់ផ្ទះដុត អន្តរាយអស់ទ្រព្យសម្បត្តិគ្មានសល់
04-May-2016 | ដោយ មែន កំសត់
ភ្នំពេញ ៖ ករណីអគ្គិភ័យឆេះផ្ទះប្រជាពលរដ្ឋ មួយកន្លែងកើតឡើងនៅសង្កាត់ស្ទឹងមានជ័យនោះ មូលហេតុកូនម្ចាស់ផ្ទះលួចដុត ពីព្រោះចែកលុយមិនស្មើ ក្រោយម្តាយលក់ឲ្យគេ ស្ថិតនៅផ្ទះលេខ៩១B ក្រុមទី០២ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ រសៀលថ្ងៃទី៣ ខែឧសភា ឆ្នាំ២០១៦ ក្រោយកម្លាំងសមត្ថកិច្ច និងអាជ្ញាធរបានបញ្ចេញរថយន្តចំនួនប្រាំគ្រឿង ទៅជួយអន្តរាគមន៍ដល់កន្លែងកើតហេតុតែប្រើអស់តែពីរគ្រឿងប៉ុណ្ណោះ។
អាជ្ញាធរសង្កាត់ស្ទឹងមានជ័យ បានឲ្យដឹងថា មូលហេតុដែលនាំឲ្យគ្រោះអគ្គិភ័យនេះ មកពីកូនម្ចាស់ផ្ទះលួចដុត ពីព្រោះខឹងម្តាយរបស់ខ្លួន ចែកលុយមិនស្មើក្រោយពេលលក់ផ្ទះនេះទៅឲ្យគេ។ អាជ្ញាធរសង្កាត់បានបញ្ជាក់ថា "អគ្គិភ័យនេះ បានកើតឡើងបណ្តាលមកពីកូនរបស់គាត់ជាអ្នកដុត រួចរត់គេចខ្លួនបាត់។ មូលហេតុ ផ្ទះនេះទើប នឹងលក់ឲ្យគេ ហើយចែកលុយមិនស្មើគ្នា ទើបមានហេតុការណ៍នេះកើតឡើង"។ ដោយមានការជួយពីសំណាក់អាជ្ញាធរ និងកម្លាំងសមត្ថកិច្ច ព្រមទាំងរថយន្តពន្លត់អគ្គិភ័យចំនួនប្រាំគ្រឿង បាញ់អស់ពីរគ្រឿងទើបរលត់ទៅវិញ។ ផ្ទះនេះថ្មក្រោមឈើលើ ម្ចាស់ផ្ទះឈ្នោះ ព្រហ្ម ឈួន បានលក់មកឲ្យឈ្មោះហ៊ុល រ៉េត ភេទស្រី អាយុ៦១ ឆ្នាំទើបនឹងកក់បានចំនួនមួយម៉ឺននៅពីរម៉ឺនដុល្លារទៀតហើយក៏ស្រាប់ ឆេះអស់ទៅ៕
ចំនួនអ្នកទស្សនា
- ថ្ងៃនេះ4261
- ម្សិលមិញ20231
- សប្តាហ៍នេះ83341
- ខែនេះ105221
- ឆ្នាំនេះ105221
- សរុប20547677